Advertisements

Saturday, October 21, 2017

MWALIMU COMMERCIAL BANK, (MCB), YASHIRIKI BONANZA LA MICHEZO LA WALIMU WA MICHEZO DAR


NA K-VIS BLOG/KHALFAN SAID
TIMU ya soka ya wafanyakazi wa Mwalimu Commercial Bank,(MCB), plc, imefungwa mabao 3-1 na kikosi mchanganyiko cha walimu wa jijini Dar es salaam, katika pambano la kirafiki ikiwa ni sehemu ya mafunzo ya wiki moja ya walimu wa michezo yaliyofanyika chuo kikuu cha dar es salaam.
Pambano hilo lililopigwa kwenye uwanja wa chuo kikuu cha Dar es Salaam, leo Oktoba 21, 2017 haikuwa kazi rahisi kwa kombaini ya walimu kushinda mchezo huo dhidi ya “mabenker” hao wa MCB, kwani hadi kipindi cha kwanza kinamalizika, timu zote zilitoka sare ya bao 1-1.
Katika kipindi cha pili tena dakika za lala salama, wafanyakazi wa MCB walielemewa na kujikuta wanatundikwa mabao mawili ya haraka haraka.
Hata hivyo kocha wa MCB, Lufingo Mwakilasa, aliwasifu wachezaji wake kuwa wamejitahidi kucheza vizuri licha ya hali ya hewa kuwa mbaya (joto kali), lakini pia asili ya kazi yao ambayo muda mwingi huwa wanautumia wakiwa maofisini kuhudumia wateja ukilinganisha na wenzao ambao ni walimu wa michezo na muda mwingi huwa wanafanya mazoezi.

DC SOPHIA MJEMA ATOA AGIZO LA UANZISHWAJI WA KLABU ZA SKAUTI KILA SHULE MANISPAA YA ILALA


 Na Michael Utouh
Mkuu wa wilaya ya Ilala ambae ni mwenyekiti wa kamati ya ulinzi ya wilaya akikagua gwaride lililoandaliwa kwa ajili yake na wanafunzi wanaopata mafunzo maalumu ya scout alipofika kwa ajili ya kufunga makambi yao ya mafunzo siku ya leo.
Mkuu wa Wilaya ya Ilala Sophia Mjema  amemuagiza afisa elimu wa wilaya ya Ilala kuhakikisha kila shule inafanya uandikishaji wa wanafunzi kwa ajili ya mafunzo ya vikundi vya skauti nakila shule ihakikishe inatoa mwalimu mmoja kwa ajili ya kusimamia vikundi hivyo.

Mjema ameyasema hayo katika kuadhimisha miaka 100 ya skauti tangu kuanzishwa kwake 1917 sambambana kuzindua wiki mawasiliano ya anga kwa njia ya upepo na inteneti  kwa skauti  ‘Jamboree on the Air (JOTA), Jamboree on the Internet (JOTI)’yaliyofanyika katika shule ya Sekondari Pugu Jijini Dar es Salaam.

“Ikama ya walimu wa skauti ni ndogo natoa agzio kwa afisa elimu kufanya uandikishaji wa skauti wakike na wakiume katika kila shule na kuhakikisha kila shule kunakuwa na mwalimu mmoja ambaye atakuwa anawafundisha skauti hao” Amesema Mkuu wa wilaya

DC Mjema ameeleza kuwa skauti wengi ni vijana wakifundishwa maadili mema Tanzania itakuwa ni yenye umma bora na watu wake watakuwa na uzalendo na Taifa la Tanzania.

WADAU NA VIONGOZI MANISPAA YA UBUNGO WATENGENEZA MIKAKATI YA KUTATUA CHANGAMOTO ZA VIJANA

 Afisa Maendeleo ya jamii kata ya Kwembe, Lucy Njela akielezea mikakati ya kuimarisha na kuboresha ushirikiano wa kutatua changamoto za vijana na kuboresha ustawi na Maendeleo ya vijana katika Kata yake. Alimalizia kwa vijana ni sehemu kubwa ya maendeleo katika jamii yoyote ile, tuwape nafasi ya kufanya maamuzi na kuheshimu maamuzi yao.

Baadhi ya wadau wa maendeleo ya Vijana wakichangia mada kwenye mkutano uliowakutanisha ili kuangalia namna ya kufanya kazi kwa ukaribu na vijana ili kuweza kufikia malengo yao waliyojiwekea.

ADAKWA NA POLISI KWA KUBAKA WATOTO WADOGO 14

Jeshi la Polisi mkoani Singida linamshikilia mganga wa kienyeji mkazi wa mtaa wa Minga, Daud Idd (74), kwa tuhuma ya kunajisi watoto 14 wenye umri kati ya miaka saba na 12 na kuwasababishia maumivu makali katika sehemu zao za siri.
Mgonga huyo maarufu kama Babu Karatu ameelezwa kuwa alikuwa akishirikiana kutenda vitendo hivyo na mtoto wa mdogo wake aitwaye Abdallah Yahaya (31).
Akizungumza na waandishi wa habari ofisini kwake leo Jumamosi, kaimu kamanda wa polisi mkoani hapa Isaya Mbughi amesema mtuhumiwa anadaiwa kutenda makosa hayo kwa nyakati tofauti kati ya Desemba mwaka jana, hadi Oktoba mwaka huu.
Amesema kuwa mwathirika mmoja mwenye umri wa miaka saba siku ya Oktoba 16 mwaka huu saa 11.45 jioni wakati akiogeshwa na mama yake alilalamika kuwa anasikia maumivu makali katika sehemu yake ya siri.
Amesema baada ya binti kuyo kulalamika kwa mama yake mama huyo aliweza kumchunguza kwenye sehemu zake za siri na kubaini kuwa michubuko inayotokana na kuingiliwa kimwili.

DC MTATURU AFUNGUA MKUTANO JUU YA MAOMBI YA KUREKEBISHA BEI ZA HUDUMA YA MAJI WILAYANI MANYONI

Mgeni Rasmi-Kaimu Mkuu wa Wilaya ya Manyoni ambaye ni Mkuu wa Wilaya ya Ikungi Mkoani Singida Mhe Miraji Jumanne Mtaturu akizungumza wakati wa ufungua wa Mkutano wa wadau na wateja wa Mamlaka ya Maji Safi na Usafi wa Mazingira
Baadhi ya wadau na wateja wa Mamlaka ya Maji Safi na Usafi wa Mazingira wakifatilia Mkutano

Madakitari kutoka San Francisco - California Watembelea kituo cha Mafunzo Muhimbili - MUHAS

Jopo la madakitari kutokea University of California San Francisco (UCSF) kitivo cha magonjwa ya  saratani walipata fursa ya kusafirini na kuelekea Tanzania mwanzoni wa mwezi Septemba 2017. Wataalamu hao walipata fursa kufika kitivo cha Muhimbili Tanzania (MUHAS) na kutoa mafunzo na utaalamu katika matibabu ya magonjwa saratani.  Mwenye suti ya kijivu na shati la bluu ni mdau Walter Minja aishie California akifurahia na kuwashukuru madakitari hao kwa hatua kubwa waliochukua kwenda nchini Tanzania na kutoa huduma hiyo muhimu.
 Wataalamu wa taasisi ya mafunzo Muhimbili - MUHAS wakipata picha ya pamoja na wadau kutoka Marekani baada ya kuhitibu mafunzo. Katika mwenye mawani ni Vice Chancellor wa MUHAS Prof. Kaaya
 Vice Chancellor wa MUHAS Prof. Kaaya akitoa zawadi ya kushukuru wa jopo la wataalamu waliokwenda Tanzania kutoa huduma hiyo muhimu ya utabibu wa magonjwa ya saratani.
 Pichani Prof. Kaaya akimkabidhi  mmoja wa waatalamu kutoka Marekani ambaye ni Associate Director wa Global Cancer Program Deirdre Olynick zawadi ya kushukuru kuongoza jopo zima wa madakitari.
 Mdau Walter Minja akifuatilia kwa makini maada iliyokuwa inatolewa na Director wa Global Cancer Program Dr. Katherine Van Loon hayuko pichani.

SHAHIDI AIELEZA MAHAKAMA JINSI SCORPION ALIVYOMTOBOA MTU MACHO

Mahakama ya Wilaya ya Ilala Oktoba 31, 2017 itatoa uamuzi iwapo mshtakiwa Salum Njwete maarufu Scorpion ana kesi ya kujibu au la.

Uamuzi utatolewa baada ya jana  Ijumaa Oktoba 20,2017 upande wa Jamhuri kufunga ushahidi katika kesi ya unyang’anyi wa kutumia silaha na kujeruhi ikiwemo kumtoboa macho, Said Mrisho inayomkabili Njwete (34).

Katika hati ya mashtaka, Njwete anayewakilishwa na wakili Juma Nassoro anadaiwa kutenda makosa hayo Septemba 6,2016 saa nne usiku eneo la Buguruni wilayani Ilala, Dar es Salaam.

Shahidi wa 10 wa upande wa mashtaka, Salum Masoud mkazi wa Buguruni ambaye ni mfanyabiashara wa kuuza chenji katika kituo cha daladala amedai siku ya tukio alikuwa katika biashara zake.

Akiongozwa na Wakili wa Serikali, Nassoro Katuga mbele ya Hakimu Mkazi, Flora Haule alidai akiwa katika shughuli zake alishuhudia mabishano kati ya mshtakiwa na mteja aliyekuwa akinunua bidhaa eneo hilo.

MAHAFALI YA KWANZA YA KIDATO CHA NNE KWA WAATHIRIKA WA NDOA NA MIMBA ZA UTOTONI SHULE YA AGAPE KNOWLEDGE OPEN SCHOOL YAFANA


Ijumaa Oktoba 20,2017 kumefanyika Mahafali ya Kwanza ya Kidato cha nne shule ya Sekondari “Agape Knowledge Open School” ambapo jumla ya watoto yatima na waathirika wa ndoa na mimba za utotoni 29 wanahitimu masomo yao kupitia mfumo wa elimu usio rasmi mwaka huu. 

Mahafali hayo yamefanyika katika shule hiyo iliyopo katika mtaa wa Busambilo kata ya Chibe manispaa ya Shinyanga na mgeni alikuwa Afisa Elimu Taaluma mkoa wa Shinyanga,James Malima kwa niaba ya Mkuu wa mkoa wa Shinyanga,Zainab Telack. 
Awali akizungumza wakati wa mahafali hayo,Mkuu wa shule hiyo ,Adili Haruni Nyaluke alisema wanafunzi hao walianza masomo yao mwaka 2014 wakiwa 54 wote wasichana na wanaohitimu ni 29. 
Naye Mkurugenzi wa shirika lisilo la kiserikali la Agape AIDS Control Programme (AACP),linalomiliki shule hiyo,John Myola alisema hayo ni ya mahafali ya kwanza kwa wanafunzi hao ambao waliokolewa katika ndoa na kurudishwa shuleni kupitia mfumo wa elimu Masafa ‘Elimu ya watu wazima’. 
“Wahitimu ni wanafunzi ambao historia yao ya elimu ilihuishwa mwaka 2014 baada ya kuokolewa katika ndoa na kurudishwa shule kupitia mfumo usio rasmi wa elimu ya watu wazima”,alieleza Myola. 
“Uwepo wa wanafunzi hawa ulisababisha shirika letu kuanzisha kituo cha elimu ya sekondari cha Agape Knowledge Open School chenye usajili namba IAE/OS/0273 ambao ulitolewa na Taasisi ya Elimu ya Watu Wazima”,aliongeza Myola.

IAWRT yavitaka vyombo vya habari nchini kuwa na sera ya jinsia

Chama cha Kimataifa cha Wanawake Wanaofanyakazi kwenye Vituo vya Runinga na Redio (IAWRT) nchini, Rose Mwalimu akizungumza katika mafunzo ya waandishi wa habari yaliyoandaliwa na chama hicho. "Haya mafunzo ya leo ni njia mojawapo ya kukuza sera ya ujinsia katika vyombo vya habari, utekelezaji wake huwa ni katika kutafuta watu ambao ni watangazaji ambao wao ndiyo watakuwa kama wasimamizi ambapo kupitia wao watatengeza vipindi ambavyo vitakidhi sera ya jinsia inavyotaka ili na wengine waige, "Lengo ni kuwa na vipindi bora na sio tu vipindi bora lakini vipindi bora ambavyo vitakuwa na tija katika jamii ... tatizo wafanyakazi wengi hawajui haya madhara kama hakuna utekelezaji wa sera ya jinsia, madhara yapo kwa namna mbili, kwa wafanyakazi wao wenyewe na kwa wasikilizaji na watazamani, kwako kutokuwa na sera kama hushirikihi hizi jinsi mbili hata huo uhuru wa kupeana habari unakuwa haupo," alisema Mwalimu. 
Chama cha Kimataifa cha Wanawake Wanaofanyakazi kwenye Vituo vya Runinga na Redio (IAWRT) imevitaka vyombo vya habari kuwa na sera ya jinsia kwani kwa kufanya hivyo kutaongeza ufanisi wa kazi katika vyombo hivyo. 

Hayo yamesemwa na Mwenyekiti wa IAWRT nchini, Rose Mwalimu katika mafunzo yaliyotolewa na chama hicho kwa waandishi wa habari wa vituo vya runinga, redio na mtandaoni kuhusu sera ya jinsia katika vituo vyao vya kazi. 

Friday, October 20, 2017

Mahojiano na rais mstaafu wa Tanzania Jakaya Mrisho Kikwete

Live: Video ya Mwana FA, AY, FID Q Ya 'Upo Hapo' Yazinduliwa jijini Dar

Miundombinu na kilimo ni masuala mtambuka- Kikwete



Rais mstaafu wa Tanzania, Jakaya Mrisho Kikwete akihojiwa na Joseph Msami wa Umoja wa Mataifa baada ya kushiriki kikao cha ngazi ya juu wiki ya Afrika kilichoangazia masuala ya miundombinu na kilimo. (Picha:Idhaa ya Kiswahili/Assumpta Massoi)

Rais mstaafu wa Tanzania Jakaya Kikwete amesema uchangishaji fedha kwa ajili ya miundombinu na kilimo ni lazime uende pamoja kwa sababu masuala hayo ni mtambuka.

Kikwete amesema hayo akihojiwa na Idhaa ya Kiswahili ya Umoja wa Mataifa jijini New York, Marekani baada ya kushiriki kikao cha ngazi ya juu cha Wiki ya Afrika ambapo masuala ya tabianchi, miundombinu, kilimo na vijana yameangaziwa.

Amesema uchangishaji usiotosheleza wa fedha katika sekta ya kilimo unakwamisha wakulima kushiriki kilimo cha kisasa akitoa mfano akisema…

(Sauti ya Kikwete)

Kikwete amesema miundombinu bora kama vile barabara, reli, viwanja vya ndege ni viwezeshaji vya ukuaji wa uchumi kwa kuwa hurahisisha usafirishaji wa mazao ya kilimo na hivyo kuchochea uchumi akisema..

MSIBA DMV NA TANZANIA

Ndugu zetu  Fadhil, Khalid na Saleh Londa, 
wanasikitika kuwajulisha msiba wa Mama yao  uliotokea jana nyumbani  Tanzania . Mazishi yalikuwa leo  nyumbani Tanzania.

Kama ilivyo desturi yetu tujumuike kuwafariji na kutoa  rambirambi  zetu.

 Address :

 3906 Greencastle Dr Apt #102 
Burtonsville,  MD 20866 

Kuwasiliana:
 Khalid: 2405659506 
 Fadhil: 3015479835

 Asanteni

DICOTA Health Forum - Speaker Highlights

The DICOTA Health Forum is pleased to welcome our guests.

To register click-
http://www.dicotaus.org/events/
 
 

NAIBU WAZIRI WA NISHATI, SUBIRA MGALU ATEMBELEA MIRADI YA UJENZI WA VITUO VYA UMEME KIGAMBONI JIJINI DAR ES SALAAM

 Naibu Waziri wa Nishati, Mhe. Subira Mgalu, (wapili kulia), akifurahia jambo na wahandisi na mafundi wa TANESCO alipotembela  mradi wa ujenzi wa kituo cha kupoza na kusambaza umeme cha Kigamboni jijini Dar es Salaam, leo Oktoba 20, 2017.
 Naibu Waziri, Mhe. Subira Mgalu(katikati), Kaimu Mkurugenzi Mtendaji wa TANSECO, Mhandisi Dkt. Tito Mwinuka, (kulia), na Naibu Mkurugenzi Mtendaji wa TANESCO, (anayeshughulikia usafirishaji umeme), Mhandisi Kahitwa Bishaija, (kushoto), wakiwasili kwenye eneo la mradi wa ujenzi wa kituo cha kupoza umeme Kigamboni jijini Dar es Salaam Oktoba 20, 2017.

RAIS DKT MAGUFULI AENDESHA KIKAO CHA BARAZA LA MAWAZIRI IKULU JIJINI DAR ES SALAAM LEO

Rais wa Jamhuri ya Muungano wa Tanzania Dkt. John Pombe Magufuli akiongoza kikao cha kawaida cha Baraza la Mawaziri Ikulu jijini Dar es Salaam leo Oktoba 20, 2017. PICHA NA IKULU

SERIKALI YAMWAGA AJIRA 400 TRA

 Naibu Waziri wa Fedha na Mipango Mhe. Dkt. Ashatu Kijaji (Mb) (kushoto) akizungumza na baadhi ya Viongozi wa Mamlaka ya Mapato Tanzania (TRA) mkoa wa Shinyanga kuhusu kufanya juhudi ya kukusanya mapato ili azma ya Serikali ya kuwahudumia wananchi kikamilifu itimie.
 Meneja wa Mamlaka ya Mapato Mkoa wa Shinyanga, Bw. Jumbe Samson (aliyesimama) akiwasilisha taarifa ya utekelezaji ikiwemo ukusanyaji wa mapato ya Mkoa wake kwa Naibu Waziri wa Fedha na Mipango Mhe. Dkt. Ashatu Kijaji (Mb) alipofanya ziara ya kikazi katika mkoa huo.

WASHINDI WA MAMA SHUJAA WA CHAKULA WAPAZA SAUTI KIMATAIFA

Mratibu wa kampeni ya kuwezesha wanawake kutoka Oxfam Bi.Magdalena Thomas akielezea kwa ufupi hali ilivyo katika suala zima la kuwawezesha wanawake linavyohitaji nguvu zaidi huku akitolea mfano namna Mama Shujaa wa Chakula ilivyofanikiwa kuleta mtazamo chanya na kufumbua macho washiriki pamoja na jamii inayowazunguka.
Sambamba na hilo aligusia safari iliyowahusisha washindi wawili wa Mama Shujaa wa Chakula Bi. Elinuru Pallangyo mshindi wa mwaka 2014 pamoja na Bi.Maria Mbuya mshindi wa mwaka 2016 ambao walizuru nchi za Uholanzi pamoja na Italia na kukutana na wabunge nchini humo.
Mshindi wa Mama Shujaa wa Chakula 2014 Bi. Elinuru Pallangyo akielezea namna safari hii ilivyompa fursa ya kupaza sauti Kimataifa kueleza uhalisia uliopo katika jamii ya Tanzania hasa katika sekta nzima ya kilimo na namna wakulima wadogo hususan wanawake wanavyohitaji kushikwa mkono ili kuboresha uzalishaji pamoja na kukuza kipato.
"Miongoni mwa mambo niliyopazia sauti ni kuwahamasisha wenzetu walioendelea kupitia mashirika pamoja na serikali kuja kuwekeza zaidi wakitulenga wakulima wadogo wanawake kwani mchango wetu ni mkubwa lakini mazingira siyo rafiki sana kuweza kutimiza malengo"  alisema Bi.Elinuru.

MVUA KUBWA YAUA, YAEZUA NYUMBA

MTU mmoja amekufa na nyumba mbili zimeezuliwa mapaa yake na kuanguka kutokana na mvua kubwa iliyonyesha ikiwa ni msimu wa mvua za vuli ambao umeanza mkoani Kigoma.
Kamanda wa Polisi Mkoa wa Kigoma, Martin Otieno alisema hayo mjini Kigoma na kumtaja aliyekumbwa na mkasa huo ni Jumanne Masudi (54) ambaye ni mkazi wa Kijiji cha Nyarubanda, Tarafa ya Kalinzi Kigoma Vijijini na kwamba alikumbwa na mauti saa 10:30 jioni juzi akiwa nyumbani kwake.
Kamanda Otieno alisema wakati mvua ikinyesha, Masudi alikuwa nyumbani kwake na kwamba mvua hiyo iliyoambatana na upepo, iliezua paa la nyumba aliyokuwemo na kusababisha ukuta kuanguka, ambao ulimuangukia kichwani na kusababisha kifo chake.
Maafa hayo yamekuja siku moja baada ya juzi Mkurugenzi Mkuu wa Mamlaka ya Hali ya Hewa Tanzania (TMA), Dk Agnes Kijazi kuzungumzia mwelekeo wa mvua za msimu, akisema kutakuwa na mvua za wastani hadi juu ya wastani katika maeneo mengi yanayopata msimu moja wa mvua kwa mwaka, na kwamba mvua kubwa inatarajiwa Januari mwakani.

KISOMO CHA AROBAINI YA MPENDWA WETU MZEE KESSY SAKAPALA

Mzee Kessy Sakapala enzi ya uhai wake

Familia ya Sakapala inapenda kukujulisha kisomo cha arobaini ya mpendwa baba yao Mzee Kessy Sakapala kitakachofanyika siku ya Jumamosi hii Oct 21, 2017 saa 11 jioni (5 pm).

Anuani ni

3904 Greencastle Ridge Dr, 
Burtonsville, MD 20688

Kufika kwako ndio kufanikisha shughuli hii ya mpendwa baba yetu.

Ukipata taarifa hii mjulishe na mwenzio.

Kwa taarifa zaidi na naelekezo tafadhali wasiliana na
Danny Kaswanila 301 768 8947
Abuu Sakapala 202 480 4848
Masika Boas 571 234 7035
Ikota Kauga 240 988 0359
Nakie Mvungi 240 535 2961
Zawadi Ukondwa 301 379 2342

INTERNATIONAL NIGHT SAFARI DC


WATANO WAFARIKI DUNIA KWENYE AJALI YA HIACE NA LORI

 Watu watano wamefariki dunia baada ya gari aina ya Toyota Hiace kugongana na lori kisha kuwaka moto.
Ajali hiyo imetokea katika Kijiji cha Kyamyorwa wilayani Muleba mkoani Kagera. Kamanda wa Polisi Mkoa wa Kagera, Augustino Olomi amesema ajali hiyo imetokea leo Ijumaa Oktoba 20, saa 12:00 asubuhi.
 Amesema mwendo kasi wa dereva wa gari dogo la abiria ni chanzo cha ajali hiyo.
Ingawa Kamanda Olomi hakuwataja waliokufa, Mkuu wa Wilaya ya Muleba, Richard Ruyango amesema miongoni mwao ni dereva wa gari dogo, kondakta na abiria watatu.

MSIMAMO WA ACACIA KUHUSU MAKUBALIANO YA BARRICK NA SERIKALI

Kampuni ya uchimbaji madini nchini Tanzania, Acacia imesema kuwa inafahamu kuhusu serikali ya Tanzania na Barrick Gold Corporation (“Barrick”), kuwa wamefanya mkutano kwa ajili ya kushirikishana makubaliano yaliyofikiwa kutoka kwenye mazungumzo yaliyokuwa yakiendelea.

Mazungumzo hayo yalifanyika Ikulu Oktoba 19 kati ya serikali ya Tanzania na Barrick ambaye ndiye mwenye hisa kuwa (asilimia 64) katika Kampuni ya Acacia.

Katika taarifa yake iliyoitoa jana kwenye tovuti yao, Acacia wameeleza kuwa wamepata nakala ya makubaliano hayo, na kwa sasa wanatafuta ufafanuzi zaidi.

Acacia wameeleza kuwa hawakupewa taarifa yoyote rasmi kuhusu makubaliano hayo yaliyofikiwa kati ya pande hizo mbili na wao waweze kuyafikiria. Wameeleza kwamba, kama ambavyo walisema katika mkutano na waandishi wa habari kuwa, makubaliano yoyote yatakayofikiwa kati ya serikali na Barrick, ni lazima yaridhiwe na Acacia.

SHINE WITH SHINA FUNDRAISER 2017

Kifaa kilichotumika kurekodi kashfa ya rushwa chawasilishwa TAKUKURU

Diwani wa Mbuguni wilayani Arumeru mkoani Arusha, Ahimidiwe Rico amewasilisha kwa Taasisi ya Kuzuia na Kupambana na Rushwa (Takukuru) kifaa anachodai alikitumia kuwarekodi  waliomshawishi kujiuzulu wadhifa huo.

Baada ya Oktoba 17,2017 kuhojiwa na maofisa wa Takukuru, jana Oktoba 19,2017 Rico alifika ofisi za taasisi hiyo saa nane mchana kukabidhi kifaa hicho chenye umbo la kalamu anachodai kimetengenezwa nchini Ujerumani.

Akizungumza na waandishi wa habari kabla ya kukabidhi kifaa hicho, alisema ameitikia wito wa maofisa wa Takukuru waliomtaka akiwasilishe.

WEMA SEPETU ATAJA SABABU ZILIZOMFANYA ASIENDE KUMUONA TUNDU LISSU

Mrembo wa Tanzania na Kada wa Chadema Wema Sepetu ametoa ya Moyoni kwa nini hakwenda kumuona mapema Mbunge wa Singida Mashariki Tundu Lissu baada ya kupigwa risasi septemba 7 ni kwamba asingeweza kumuona akiwa kwenye maumivu.

Wema ameweka wazi maneno hayo kwenye ukurasa wake wa Instagram ikiwa ni baada ya dakika chache tangu kuachiwa kwa picha za kwanza za Mbunge huyo akiwa hospitali ya Nairobi nchini Kenya.

Wema ameandika "Kisichokuua kinakufanya uwe na nguvuz zaidi....Utarudi tena ukiwa na nguvu kuliko ulivyokuwa awali...Shujaa wetu. ... Picha hii imenifanya nipate hisia. Sasa naweza andaa safari ya Nairobi kuja kukuona.. Awali nisingeweza kuvumilia kukuona ukiwa kwenye maumivu".

NAIBU WAZIRI WA FEDHA NA MIPANGO AKUTANA NA WAFANYABIASHARA JIJINI MWANZA

Naibu Waziri wa Fedha na Mipango Dkt.Ashatu Kijaji jana amekutana na wafanyabiashara Jijini Mwanza kwa ajili ya kusikiliza na kutatua baadhi ya kero za kibiashara kutoka kwa wafanyabiashara hao chini ya chama chao cha TCCIA.

Dkt.Kijaji aliwahakikishia wafanyabiashara hao kwamba serikali itaendelea kuboresha mazingira ya kufanyia biashara huku akibainisha kwamba mashine za kutolea stakabadhi EFD's sasa zinatolewa na Mamlaka ya Mapato nchini TRA na hivyo wafanyabiashara hao wataondokana na baadhi ya kero walizokuwa wakikumbana nazo kutoka kwa mawakala wa mashine hizo ikiwemo kuzinunua kwa bei kubwa.

Awali wafanyabiashara hao walilalamikia suala la machinga kupanga bidhaa zao kando ya milango ya maduka yao ambapo Naibu Waziri Kijaji aliwasihi kuwa na subira wakati serikali utaratibu wa kuwasajili na kuwapatia machinga vitambulisho kama ilivyoelezwa kwenye bajeti ya mwaka 2017/18 na hatimaye kuwaboreshea maeneo yao ya kufanyia biashara.
Na Binagi Media Group
Naibu Waziri wa Fedha na Mipango Dkt.Ashatu Kijaji (kushoto), akizungumza na wafanyabiashara Jijini Mwanza jana. Wengine ni Mwenyekiti wa Chama cha Wafanyabiashara Wenye Viwanda na Kilimo TCCIA mkoa wa Mwanza Elibariki Mmari (katikati) pamoja na Naibu Kamishina wa Kodi za Ndani TRA Makao Makuu, Beatus Nchota.

NAIBU WAZIRI ANGELINA MABULA AFANYA ZIARA JIJINI DAR ES SALAAM

 Naibu Waziri wa Ardhi, Nyumba na Maendeleo ya Makazi Mhe. Angelina Mabula(kulia) akisikiliza maelezo kutoka kwa Mkurugenzi wa Miliki katika Shirika la Nyumba la Taifa (NHC) Bw. Hamed Abdallah kuhusu miradi ya ujenzi wa shirika inayoendelea katika eneo la Kijichi,Temeke. Mhe. Mabula alikuwa akikagua utendajiwa sekta ya ardhi  katika  ziara yake ya siku mbili Jijini Dar es Salaam.
 Mkuu wa Wilaya ya Temeke Bw. Felix Lyaniva(kulia) akimkaribisha Naibu Waziri wa Ardhi, Nyumba na Maendeleo ya Makazi Mhe. Angelina Mabula(kushoto) katika ofisi za Manispaa ya Temeke kukagua utendaji wa shughuli za sekta ya ardhi.

ASKARI WA KIKOSI CHA USALAMA BARABARANI WAKITOA ELIMU MAENEO MBALIMBALI MKOANI KILIMANJARO

Askari wa kikosi cha Usalama Barabarani CPL Juma Selemani, akitoa elimu katika Shule ya Msingi Custom iliyopo wilayani Rombo mkoani Kilimanjaro katika maadhimisho ya wiki ya nenda kwa usalama Barabarani.
Askari wa kikosi cha Usalama Barabarani PC Ndugunamiti, akiwa na Juma Abdallah mwanafunzi wa Shule ya msingi Majengo wilayani Same Mkoani Kilimanjaro alipokuwa akichangia mada iliyokuwa ikitolea shuleni hapo katika maadhimisho ya wiki ya nenda kwa usalama Barabarani.

Mkaguzi wa kikosi cha Usalama Barabarani wilayani Moshi Mshangama Nyangasa, akitoa elimu katika shule ya msingi Majengo iliyopo mkoani Kilimanjaro katika maadhimisho ya wiki ya nenda kwa usalama Barabarani.

HAKUNA MATATA’ YA TUMAINI MSOWOYA KUACHIWA ALBAMU YAKE OCTOBER 29

Mkuu wa Wilaya ya Iringa, Richard Kasesera anatarajia kuwa mgeni rasmi katika
uzinduzi wa albamu ya mwimbaji wa nyimbo za Injili Tumaini Msowoya, katika ukumbi wa Highland Hall mjini Iringa.
Wageni wengine wa heshima kwenye uzinduzi huo ni  Mbunge wa Jimbo la Iringa mjini, Mchungaji Peter Msigwa, Mkuu wa Wilaya ya Kilolo, Asia Abdalah, Mhadhiri wa Chuo Kikuu cha Kikatoliki cha Ruaha Baby Baraka Chuma, wachungaji kutoka makanisa mbalimbali.

NAIBU WAZIRI KWANDIKWA AWATAKA WAFANYAKAZI MIZANI KUACHA RUSHWA.

 Naibu Waziri wa Ujenzi, Uchukuzi na Mawasiliano (Sekta ya Ujenzi), Mheshimiwa Elias Kwandikwa (Mwenye suti), akiangalia namna shughuli za upimaji wa magari zinavyoendeshwa katika mzani wa Tinde, mkoani Shinyanga. Kushoto kwake ni Meneja wa Wakala wa Barabara (TANROADS), wa mkoa huo, Mhandisi Mibala Ndilindi.
 Msimamizi wa shughuli za mzani wa Tinde kutoka Wakala wa Barabara (TANROADS), mkoani Shinyanga, Bw. Lugembe Vicent (kushoto), akitoa taarifa ya kiutendaji ya mzani huo kwa Naibu Waziri wa Ujenzi, Uchukuzi na Mawasiliano (Sekta ya Ujenzi), Mheshimiwa Elias Kwandikwa. Mzani huo unapima magari 300 kwa siku.

WANAHABARI WA TANZANIA WATEMBELEA KAMPUNI YA HUWAWEI NCHINI CHINA

Waandishi wa habari kutoka vyombo mbalimbali vya habari Tanzania, wakiwa ndani ya Kiwanda cha Kampuni ya Huwawei walipotembelea Kiwanda hicho kuijionea shughuli mbalimbali zinazofanywa na kampuni hiyo.
Wanahabari wakiwa katika kiwanda hicho.
Baadhi ya waandishi wa habari kutoka vyombo mbalimbali vya habari Tanzania, wakiwa katika picha ya pamoja Shenzhen nchini China, walipokwenda kutembelea kampuni ya Huwawei na kuijionea shughuli mbalimbali zinazofanywa na kampuni hiyo ikwemo utekelezaji wa mradi wa elimu wa Smart Education na e-Education unaotekelezwa katika shule ya msingi Baogang iliyopo nchini humona hivyo kukabiliana na tatizo la uhaba walimu.mpango huo pia wanatarajia kuuleta hapa nchini ili kuweza kuboresha sekta ya elimu.(Na mpiga picha Wetu).